कवर्धा म अइसे होही मतगणना….कलेक्टर ह दीस राजनैतिक दल अउ पत्रकार मन ल जानकारी  ……

संजू गुप्ता, कवर्धा। कबीरधाम जिला के दूनों विधानसभा पंडरिया अउ कवर्धा विधानसभा निर्वाचन क्षेत्र  बर 11 दिसम्बर के  बिहनियां 8 बजे ले आदर्श कृषि उपज मंडी प्रागण म मतगणना सुरू हो जाही।  मतगणना कार्य सुरू करे बर बिहनिया  7बजे दूनों विधानसभा क्षेत्रों के स्ट्रांग रूम  ल विधानसभा प्रेक्षक अउ संबंधित राजनीतिक दल मन के  प्रत्याशी मन के उपस्थिति म खोले जाही।

कलेक्टर व जिला निर्वाचन अधिकारी  अवनीश कुमार शरण ह कलेक्ट्रोरेट सभा कक्ष म राजनैतिक दल मन अउ पत्रकार मन के संयुक्त बइठक लेके ए जानकारी दीस।  ए अवसर म पंडरिया विधानसभा क्षेत्र के रिटर्निंग अधिकारी व जिला पंचायत के मुख्य कार्यपालन अधिकारी  कुंदन कुमार, उप जिला निर्वाचन अधिकारी जीवन किशोर ध्रुव , सहायक रिटर्निंग अधिकारी  विपुल गुप्ता,  प्रकाश टंडन एवं विधानसभा प्रत्याशी अउ मीडिया प्रतिनिधि उपस्थित रहिन हे।  संयुक्त बइठक म मास्टर ट्रेनर्स अउ सिक्षा विभाग के सहायक संचालक महेन्द्र गुप्ता  ह मतगनना के संबंध म प्रस्तुति करन जरिए विस्तृत जानकारी दीस।

अइसे होही मतगनना  सुरू ….. गनना पर्यवेक्षक  ह कंट्रोल युनिट म लगे एड्रेस टैग एउ सील मन ल मतगणना अभिकर्ता मन ल दिखात हुए अविकल प्रमान पत्र पर एकजाई हस्ताक्षर लिही।  एखर बाद कंट्रोल यूनिट के स्वीच ल आन कर रिजल्ट बटन ल चालू कर ओखर प्रदर्शन ल जोर ले पढ़ही जेला गणना अभिकर्ता अउ  माईक्रो आब्जर्वर देख के अउ सुन के गनना सहायक मतगना पत्रक म कुल मत तथा अभ्यर्थी वार प्राप्त मत ल उंखर नाम के  आघू  पत्रक 17(ग) के भाग 1 म सावधानीपूर्वक नोट कर ही । एला  अभिकर्ता  घलो  नोट कर सकत हे।  मतगनना स्थल म  मोबाईल, इलेक्ट्रानिक अउ अन्य उपकरन व धूम्रपान पूर्णतः प्रतिबंध हे । अउ मतगणना अभिकर्ता  व दूसर व्यक्ती मन ल मतगनना प्राक्रिया के दउरान मतगनना हॉल ल बाहिर जाए के अनुमति नइ होही।  जब तक मतगनना अभिकर्ता अउ अन्य व्यक्ति ल  परिनाम के घोसना  होए के बाद ही मतगणना हॉल ले बाहिरर जाय के अनुमति होही।