भोपाल/रायपुर । मध्य प्रदेश के सारनी म एक बाघ के हलचल ह इलाका म दसहत फइला दीस हे। दस ले जादा मवेसि मन के सिकार कर चुके ए खतरनाक जानवर ल काबू म करे बर वन बेभाग अब हाथी मन के सहारा लेवत हे। एखर अलावा सुरक्षा ल देखत हुए बाघ के हलचल वाले इलाका म धारा 144 लागू कर दे गिस हे।
बैतूल जिला के सारणी स्थित रिहायसी इलाका म बाघ के मूवमेंट पाछु कुछु दिन मन ले देखे जात हे। आफत के घड़ी तब आइस जब ए जंगली जानवर ह सहर के एक कॉलोनी म घूमत हुए देखे गिस। सोमवार रात गस्ती करत वन बेभाग के टीम ह बाघ ल बीच सड़क म चलत हुए देखिन। उमन ए मूवमेंट के वीडियो अपन मोबाइल कैमर मन म कइद कर लिस।
पिंजरा अउ जाल लगाए गिस ……. वन विभाग के ओर ले जगा-जगा पिंजरा अउ जाल लगाए जाए के बाद घलो आतंकी बाघ कोनो तरह सिकंजा म नइ आवत हे। एती, इलाका म 10 ले जादा पसु मन के सिकार करइया बाघ के खबर सुनके लोग मन म भय के माहुल पइदा हो गिस हे।
कॉलोनी म दहसत …..ऐहतियातन इलाका म लोग मन के आना-जाना म पाबंदी लगा दे गेहे। संगे- संग एक स्थान म पांच या एखर ले जादा इकट्ठा न होवए, एखर बर एसडीएम एसके भंडारी ह धारा 144 लागू कर दीस हे। कॉलोनी म लोग मन ल ल घर अंदर रहे के सलाह दे गेहे। फॉरेस्ट रेंजर अपन टीम के संग संबंधित क्षेत्र म गस्त कर रहत हे।
हाथी मन के सहारा ……दरअसल, घनी झाड़ी अउ दलदल के वजह ले बाघ ल पकड़े म वन बेभाग ल सफलता हाथ नइ लगत हे। एखर चलत अब वन बेभाग ह कान्हा नेशनल पार्क ले हाथी मन के दल बुलाइस हे। जेखर सहारा बड़ स्तर म सर्चिंग अउ रेस्क्यू ऑपरेसन चलाय जात हे।
Other Articles
