सागौन तस्करी बर ए नायाब तरीका निकालिस तस्कर मन …हर बछर  छत्तीसगढ़ ल लगता हे करोड़ों रुपिया के चूना

बीजापुर । जिला म सागौन तस्करी बर  इंद्रावती नदी ल जरिया बनए हे तस्कर मन है। उंखर ए नायाब तरीका ले हर बछर सागौन के लकड़ी मन  ले आंध्र, तेलंगाना अउ महाराष्ट्र के तस्कर मन छत्तीसगढ़ ल करोड़ों रुपिया के चूना लगावत हे। एती, पाछू के दू बछर ले वन विभाग के सक्रियता ले अफसर मन ह करीबन 80 लाख के अवैध सागौन बरामद कर तस्कर मन के कमर तोड़ देहे।

इंद्रावती  नदी ह छत्तीसगढ़ अउ महाराष्ट्र के सीमा म रहइया किसान मन बर  सिंचाई के सबले बड़े साधन हवय। उहें ए नदी ह बरसात के बाद इमरती लकड़ी मन के तस्करी बर परिवहन के सबले  बड़े जरिया बन जाथे। पाछु के दो बरिस म वन विभाग के सक्रियता ल विभाग के अफसर मन ह करीबन 80 लाख के अवैध सागौन बरामद करिस हे।  विभाग  ह ए दउरान लगातार छापा मार के 173 घन मीटर सागौन ल जब्त करिन। जेखर सरकारी अनुमानित लागत करीब 80 लाख बताय जात हे।

बीजापुर के डीएफओ गुरुनाथन एन ह बताइस के पाछु के दो बछर म तस्कर मन उपर ताबड़तोड़ कार्यवाही करे गिस अउ उंखर ले विभाग के अधिकारी कर्मचारी मन  ह छापा मारके 1050 नग अवैध सागौन बरामद करिस हे।  डीएफओ ह बता इस के बछर 2017 म 521 नग सागौन के गोला अउ बछर 2018 म 530 नग गोला बरामद करे गिस जे हे करीबन 1050 घन मीटर हवय।

ए कीमत के आंकलन सरकारी दर  म करे गेहे। लेकिन बाजार म एखर कीमत दू गुना हो जाथे। इहीं लालच म तस्कर मन इहां ले अवैध रूप ले सागौन के कटाई कर इंद्रावती नदी के जरिए तस्करी कर महाराष्ट्र अउ तेलंगाना के बाजार मन अउ आरा मिल मन ल बेचथे। एहीं नइ बल्कि आरा मिल मालिक मन के इशारा म ही तस्कर सागौन के अवैध कटाई कर तस्करी ल अंजाम देवत हे।

डीएफओ केकहिना हे के तस्कर मन के हमला ले बचे बर जल्द ही वन कर्मी मन ल एयर गन जइसे हथियार मन ले लैस करे जाही। काबर  के तस्कर मन ले लकड़ी के जब्ती के दउरान अक्सर टीम ल भारी मुसीबत के सामना करे बर पड़थे।  जेमा कई बेर वन कर्मी मन घायल घलोक होइन।

ए तरह ले होथे सागौन के तस्करी

इंद्रावती नदी ले सागौन के तस्करी  बर तस्कर मन ह नायाब तरीका खोजे हे।  एमा उमन पहिली अइसे उंचा पहाड़ी मन के चुनथे। जेखर ढलान इंद्रावती नदी  कोती हो। ।

एखर बाद उमन सागौन ल काटे के बाद एक ढलाननुमा राद्दा बनाके सागौन के गोल मन ल नदी म फेंकथे।  फेर एक-एक गोला ल मिलाके 10 ले 15 गोला ल मिलाके राफ्ट जइसे  बांध देथे। ताकि एमा 3 से 5 लोगन बइठ सकय।

राफ्ट म कैरोसीन वाले स्टोव ले भोजन तइयार करे के घलोक बेवस्था  रहिथे।  जेखर बाद ओला पानी म बहाके  तस्करी ल अंजाम देथे। एमा सवार तस्कर मन तीर कमान जइसे हथियार मन ले घलो  लैस रहिथे, जब वन विभाग के अधिकारी अउ कर्मचारी लकड़ी जब्त करे बर पहुंचथे त उंखर उपर हमला कर जाथे।

–