स्कूली लइका मन उपर मधुमक्खी मन  के हमला

दंतेवाड़ा। किरंदुल क्षेत्र म सोमवार के बिहनिया एक स्कूल म लइका मन उपर मधुमक्खी मन हमला कर दिस। जब ए घटना होए के दउरान लइका मन कक्षा म पढ़ात रहिन हे। घटना म करीब 50 लइका मन घायल होइन हे, जे मन ल उपचार बर अस्पताल म दाखिल कराय गेहे।

मिले जानकारी म किंरंदुल के प्रकाश विद्यालय म कक्षा पहली ले सातवीं तक के लइका मन  आज बिहनिया स्कूल म पढ़ाई करत रहिन हे।  इहीं दउरान कैंपस के नजदीक एक पेड़ म लगे मधुमक्खी के छत्ता म कोनो ह पत्थर मार दिस। एखर ले   मधुमक्खि मन फइल गिस अउ कक्षा म पढ़त  लइकामन उपर हमला कर दिस। घायल लइका मन ल  किरंदुल के एनएमडीसी प्रोजेक्ट हॉस्पिटल म उपचार बर  दाखिल कराय गेहे।