मंत्री मन के नाम तय….. राहुल ले चरचा के बाद भूपेश कर ही घोसना

रायपुर । मुख्यमंत्री भूपेश बघेल ह मंत्रिमंडलके गठन ल लेके तइयारी तेज कर दे हे। बताय जात हे के सीएम ह अपन मंत्रिमंडल बर  सदस्य मन के नाम चुन ले हे। । संभावित मंत्री मनके नाम लेके  उमन जल्द दिल्ली रवाना होंही।अउ  पार्टी अध्यक्ष ले मिल के  मंत्रिमंडल म नाम फाइनल करही।

राज्य म मुख्यमंत्री के सपथ ग्रहन के बाद अब लोगन ल बेसब्री ले मंत्रिमंडल के गठन के इंतजार हे। सीएम  ह प्रसासनिक कामकाज म तेजी लाए बर मंत्रिमंडल के गठन सीघ्र करे  के निरनय ले गे हे।  कांग्रेस के ओर ले चुनाव पूर्व जारी घोसना पत्र म अमल करे अउ  राज्य के कामकाज म तेजी लाए बर घलो मंत्रिमंडल के गठन आवस्यक हे।

लिहाजा कांग्रेस के तइयारी ए बात ले ले के तेज हे के  जतना जल्द  हो सके मंत्रिमंडल के गठन होवय। ए बात ले खुद मुख्यमंत्री भूपेश बघेल घलो वाकिफ हे के यदि उमन तेजी ले कामकाज के सुरूआत करना हे  त उमन अपन मंत्रिमंडल के गठन जल्द ले जल्द करना होही।