राफेल मामला …..माकन ह कहिन के सबो नियम मन के धज्जी  उड़ा दिस हे पीएम

रायपुर । राफेल मामला ल लेके लगातार केंद्र सरकार उपर हमला बोलत कांग्रेस एक बार फेर आक्रामक हो गेहे। ए कड़ी म कांग्रेस के राष्ट्रीय प्रवक्ता अजय माकन अउ मुख्यमंत्री भूपेश बघेल ह केंद्र सरकार उपर जमके निसाना साधिस । ए मउका म अजय माकन ह कहिन के सुप्रीम कोर्ट के जजमेंट म कोनो मेर ए घलो नइ कहे के राफेल म भष्टचार नइ होए हे।

उमन कहिन के 41 हजार 2 सौ 5 करोड़ के घोटाला होइस हे राफेल म । राफेल म बहुत बड़ घोटाला होए हे । माकन ह कहिन के पीएम ह सबो नियम मन के धज्जी  उड़ा दिस हे अउ कोनो नियम के पालन नइ करे हे। अतना ख़र्च करे के बाद भी टेक्नोलॉजी भारत के तीर नइए। एखर मतलब ये हमार देस के सुरक्षा के संग बहुत बड़ खिलवाड़ हवय। अजय माकन ह कहिन के राफेल के मामला ल लेके जेपीसी के जांच होना चाही । उमन कहिन के सुप्रीम कोर्ट ल गलत जानकारी दे गेहे।