पीएम आवास के काम म अड़ंगा डालिस अड़गा मिलगे 6 बिल्डर्स ल नोटिस

भिलाई। प्रधानमंत्री नरेंद्र मोदी के ड्रीम प्रोजेक्ट पीएम आवास के काम म अड़ंगा लगाइया 6 बिल्डर्स ल भिलाई नगर निगम ह नोटिस देय हे। एमा अजय चौहान प्राइवेट लिमिटेड ले लेके आस्था बिल्डर्स, विल्टेक इंजीनियरिंग, वेद प्रकाश चोपड़ा, आरजी वाजपेयी अउ वंदे मातरम के नाव सामिल हे।
इडब्ल्यूएस के जमीन म रजिस्ट्री ले लेके विकास सुल्क को रासि म गड़बड़ी करे के आरोप हे दरअसल कुरुद म कॉलोनी विकसित करे बर 2011 म काम अलॉट करे गिस हे, लेकिन आज तक काम पूरा नइ हो पाइस । आयुक्त एसके सुंदरानी ह साफ कहिन के अगर नोटिस के जवाब नइ दिही त सख्ती ले कार्रवाई होही।
आयुक्त एसके सुंदरानी ह कॉलोनाइजर्स अउ डेवलपर्स ल अंतिम पत्र जारी करे हे। जेम कुरुद खसरा क्रमांक 1157, 1129/2, 1159/2 म आवासीय कालोनी म विकास कार्य पूरा करे के संबंध म आस्था डेव्हलपर्स एण्ड कालोनाईजर, पार्टनर दिनेश सवाई सेक्टर-4 भिलाई, मनीष राव सोलंकी वैशाली नगर भिलाई, निरुपा सहारे पति ताम्रध्वज शांति नगर, मोहम्मद साबिर अली आत्मज रसूल साह, शांति नगर भिलाई ल नगर पालिक निगम भिलाई ह नोटिस देहे। आयुक्त ह नोटिस क जवाब नइ आए म सख्ती ले कार्रवाई के बात कहे हवय।