त मैं अपन पद ले इस्तीफा दे दू हूं……काबर कहिस अजय चंद्राकर

धमतरी। कर्जमाफी के वादा करके छत्तीसगढ़ के सत्ता म काबिज होय कांग्रेस सरकार ल विपक्ष अब घेरे के कोसिस करत हे।  रमन सरकार म स्वास्थ्य मंत्री रहे अउ  कुरुद विधायक अजय चंद्राकर ह बड़ बयान दिस हे।

जीते के बाद उमन ल गुरुवार के आभार रइली म लोगन ल धन्यवाद दिस। इही दउरान चंद्राकर ह एक सभा ल घलोक संबोधित करिन। जेमा उमन  ह ऐलान करिन हे अगर कांग्रेस सरकार ह दस दिन के भीतर किसान मन के खाता म पइसा जमा कर देही त मैं अपन पद ले इस्तीफा दे दू हूं।

कर्जमाफी के मुद्दा अभु गरम हे। भूपेश बघेल ह सीएम पद के सपथ ले के संग ही कर्जमाफी क् वादा निभात हुए लेटर जारी कर दिस हे, जेमा म विभिन्न स्तर मन र कर्जमाफ करे के बात कहे हे।  लेकिन बीजेपी अब एला मुद्दा म  कांग्रेस ल घेर सकत हे, काबर के राहुल गांधी ह सरकार बने के दस दिन के भीतर कर्ज माफी के ऐलान करिन हे। हालांकि सरकार ह कमान संभाले के संग ही ए प्रक्रिया सुरु कर दे हे।