एफआईआर कराए के करिस मांग तो होगे गिरफ्तार

रायपुर। इंदिरा गांधी कृषि विश्वविद्यालय के कुलपति डा. एसके पाटिल समेत विश्वविद्यालय के 7 अधिकारी, कर्मचारी अउ अन्य मन ह शासकीय राशि के गबन अउ एक करोड़ 26 लाख 70 हजार 880 रूपिया के भ्रष्टाचार करे के मामला म न्यायिक दण्डाधिकारी प्रथम श्रेणी के आदेश के कॉपी ल लेके लेके एफआईआर करे के मांग ल लेके थाना पहुंचे युवा जनता कांग्रेस जे के प्रदेश अध्यक्ष विनोद तिवारी ल पुलिस ह गिरफ्तार करके जेल भेज दिस।
कोर्ट के आदेश के संदर्भ में विनोद तिवारी कोर्ट के कॉपी लेके तेलीबांधा थाना पहुंचे रिहस हे, जिहां दोषी मन के खिलाफ कार्यवाही न करत हुए उल्टे शिकायतकर्ता विनोद तिवारी समेत युवा जनता कांग्रेस जे के पदाधिकारी अउ कार्यकर्ता मन ल जेल भेज दे गिस। ये तरह ले दोषी मन ल राज्य शासन के इशारा म संरक्षण देय के आरोप लगात हुए रायपुर संभाग के युवा जनता कांग्रेस जे के सभी पदाधिकारी, कार्यकर्ता मन ह विरोध म आज शाम के राज्य शासन के पुतला दहन करही।