29 एनकाउंटर सामिल रहिन ए विधायक ह ..…. जानव कहां ले बनिस एमएलए

रायपुर। छत्तीसगढ़ विधानसभा म पहिली बेर  कदम रखइया मन म  एक शख्स अइसे हे जे ह अब तक 29 एनकाउंटर कर चुके हे।  ए एनकाउंटर्स के कारन उमन ल राष्‍ट्रपति वीरता पुरस्कार ले घलो सम्मानित करे जा चुके हे। विधायक के नावं हे ….. किसमतलाल नंद । महासमुंद जिला के सरायपाली विधानसभा क्षेत्र ले कांग्रेस के टिकट म विधायक निर्वाचित होवइया विधायक नंद के जीवन के कहानी बड़ दिलचस्प हे।

बसना तहसील के संतपाली गांव म रहइया किस्मतलाल नंद ह रायपुर के एग्रीकल्चर कॉलेज ले बीएससी के पढ़ाई करे हे। फेर उमन एलएलबी करिन। वकालत के पढ़ाई करे के बाद उमन 1985 म कृषि विस्तार अधिकारी रुप म सरकारी सेवा म आइन। 1990 म अविभाजित मध्यप्रदेस म एसआई के रूप म पुलिस विभाग म भर्ती होइन। एखर बाद उमन  मई 2018 तक पुलिस विभाग म ही रहिन। ए दउरान उमन  बालाघाट, सिवनी, रायगढ़, बीजापुर, दंतेवाड़ा म सेवाएं दीन।

2006 ले 2013 के बीच नक्सल इलाका म तइनाती के दउरान कुल 29 एनकाउंट म  सामिल होइन। 2009 म तत्कालीन राष्ट्रपति प्रतिभा पाटिल के हाथ ले उमन ल राष्ट्रपति वीरता पुरस्कार घलो मिल चुके हे। मई 2018 म डीएसपी के पद ले इस्तीफा देके राजनीति म प्रवेस करइया किस्मतलाल नंद के कहिना हे के अब उमन अपन क्षेत्र ले विधायक बन गेहे। अउ बाकी के जीवन अपन क्षेत्र के जनता के सेवा म ही बिताना चाहत हे।