परची ले चमकगे भाजपाई प्रियंका सिन्हा के किस्मत … बनिस जनपद अध्यक्ष

धमतरी। जनपद पंचायत धमतरी म रिक्त अध्यक्ष पद बर  आज हओए मतदान म भाजपा अउ कांग्रेस प्रत्याशी मन ल बराबर-बराबर वोट मिलिस। लेकिन परची से निकलेगे परिनाम म किस्मत भाजपा के प्रियंका सिन्हा के संग दिस। उहें कांग्रेस ल क्रास वोटिंग के  सेती ले हार के सामना करना पड़ीस।

रंजना साहू के विधायक बने के बाद जनपद अध्यक्ष  बर चुनाव कराए गिस। जेमा फइसला करे बर परती के सहारा लेय गिस। जेमा परिनाम भाजपा के पक्ष म गिस, अउ भाजपा प्रत्याशी प्रियंका सिन्हा निर्वाचित होगे।  एखर पहिली मतगनना म भाजपा समरथित प्रियंका सिन्हा ल 12 अउ कांग्रेस समरथित संजू सिन्हा ल 12 वोट मिलिस। सबो 24 सदस्य मन ह अपन मताधिकार के परयोग करिन।

बता दन के कांग्रेसी अउ उंखर समरथक मन14 सदस्य रहिन हे अउ  भाजपा के तीर 10 सदस्य।  लेकिन क्रास वोटिंग होगे। ए तरह ले कांग्रेस के सरकार होय के बावजूद जनपद म फेर एक बेर भाजपा ल कमान मिल गिस।  चुनाव के बाद कांग्रेस म अंतरकलह जमके उजागर हो गिस हे। जनपद म मिले ए हार के बाद कांग्रेस पार्टी बागी 2 सदस्य म ल ढूंढ़े म जुट गेहे।