भूपेश बघेल हवय राजनीति के फास्ट बॉलर …… काबर कहिस क्रिकेटर वीवीएस लक्ष्मण  ह ….

रायपुर। वन खेल महोत्सव म पहुंचे पूर्व क्रिकेटर वीवीएस लक्ष्मण ह मुख्यमंत्री भूपेश बघेल के जमके तारीफ करिस। उमन  ह भूपेश बघेल ल राजनीति के फास्ट बॉलर बताइस।

वीवीएस लक्ष्मण छत्तीसगढ़ प्रवास  म हवय।  इहीं दउरान उमन मुख्यमंत्री भूपेश बघेल ल मुलाकात करिन अउ रायपुर म आयोजित वन खेल महोत्सव म भाग लिस। जिहां पर उमन खिलाड़ी मन के उत्साहवर्धन  त करिन संग ही भूपेश बघेल ल फास्ट बॉलर बताते हुए उंखर जमके तारीफ करिस। एती भूपेश ह घलो ए मुलाकात के फेसबुक और ट्विटर म  एक पोस्ट सेयर करे हे।

खिलाड़ी मन ल आघू बढ़े के भरपूर सहयोग देबो : भूपेश

छत्तीसगढ़ विधानसभा म बुधवार के मुख्यमंत्री भूपेश बघेल ह पूर्व दिग्गज क्रिकेटर वीवीएस लक्ष्मण ले  मुलाकात करिन। ए दउरान लक्ष्मण ह मुख्यमंत्री बघेल ल एक बल्ला भेंट करे हे। मुख्यमंत्री ले मुलाकात के दउरान लक्ष्मण  ह छत्तीसगढ़ के क्रिकेटर के तारीफ करिन। उमन कहिन के छत्तीसगढ़ म क्रिकेट खेलइया लइका मनम बहुत प्रतिभा हवय।

मुख्यमंत्री बघेल ह लक्ष्मण ले मुलाकात के बाद सोशल मीडिया (फेसबुक- ट्विटर) म एक पोस्ट सेयर करिन। उमन अपन पोस्ट म कहिन के – आज विधानसभा म वीवीएस लक्ष्मण जी ले मुलाकात होइस। उंखर गोंठ सुनके अच्छा लगिस के छत्तीसगढ़ म क्रिकेट खेलइया लइका मन म बहुत प्रतिभा हवय। हमन क्रिकेट समेत  सबो खेल के खिलाड़ी मन ल आघू बढ़य बर भरपूर सहयोग देबो।