नशा म धुत होके पढ़ात रहिस हे 3 झन मास्टर, फेर होइस ए कार्रवाई

गरियाबंद। जिला शिक्षा अधिकारी द्वारा देवभोग विकासखंड के स्कूल मन के आकस्मिक निरीक्षण करे गिस। ए दउरान स्कूल मन म भारी अनियमितता के खुलासा होइस। हद त तब होइस जब 3 शिक्षक ऑन ड्यूटी म ही नशा के हालत म पाए गिन।

 जिला शिक्षा अधिकारी एस. एस. ओगरे ह बीते शुक्रवार के दिनभर स्कूल मन के निरीक्षण करिन। संगे संग कई बड़े कार्रवाई ल अंजाम दिस। इए दउरान उमन कुल 17 स्कूल मन के  निरीक्षण करिन।  जेमा  ले 14 स्कूल म अनियमितता पाए गिस। तीन झन शिक्षक मन नशा के हाल म रहिन हे, जिला शिक्षा अधिकारी  ह ए तीनों शिक्षक ल तत्काल निलंबित कर देय। उहें एक  अउ शिक्षक के 10 दिन ले बिना  सूचना देय नदारद रहे के जानकारी मिले म तत्काल निलंबित कर दिस हे।  इसके अलावा हाजरी लगाके गायब  रहवइया  4 शिक्षक के वेतन काटे के निरदेस दिस।

जिला शिक्षा अधिकारी के ए आकस्मिक निरीक्षण ले देवभोग क्षेत्र के सबो स्कूल मन म  हड़कंप मच गिस। अधिकारी के कहिना हे के निरीक्षण निरंतर जारी रहही।  एखर संग अब उमन हर हफ्ता इहां के रिपोर्ट लिही। मामला म  सबले  अहम बात ए हे के विकासखंड स्तर  म  पहिली  ले ही मॉनिटरिंग कमेटी काम करत हवय। आखिर अतना बड़े लापरवाही कमेटी के नजर म काब रनइ आइस।