नउकरी म छत्तीसगढ़ के स्थानीय निवासी अभ्यर्थी मन ल मिलही 5 साल के छूट

रायपुर । मुख्यमंत्री भूपेश बघेल के अध्यक्षता म आयोजित मंत्रिपरिषद के बइठक म कई महत्वपूर्न निरनय ले गीस। जेमा विशुद्ध रूप ले राजनीतिक आंदोलन मन ले संबंधित प्रकरन मन के वापसी बर गृह मंत्री के अध्यक्षता म मंत्रिपरिषद के उपसमिति के गठन करे जाही।

शासन के विभाग मन म सीधा भर्ती ले भरइया पद मन बर निरधारित अधिक आयु सीमा म छत्तीसगढ़ के स्थानीय निवासी अभ्यर्थी मन ल 5 साल के छूट देहे जाही। छत्तीसगढ़ के स्थानीय निवासी मन ल आयु सीमा 35 साल म दे गइस 5 साल के छूट के अवधि ल पांच साल तक बढ़ाये गीस। अउ आन विसेस वर्ग मन बर आयु सीमा म देय छूट यथावत रखत सबो छूट ल मिलाके ऊंखर बर अधिकम आयु सीमा 45 साल यथावत निरधारित रइही। छत्तीसगढ़ आबकारी नीति वित्तीय साल 2019-20 म चरचा करे गइस, आबकारी ड्यूटी दर मन ल बढ़ाए अउ 50 दुकान बंद करे के निरनय ले गीस। बजट अनुमान साल 2019-20 अउ छत्तीसगढ़ विनियोग विधेयक 2019 उपर चरचा करे गइस।