खास खबर … चिप्स अउ पीडब्लूडी  के कार्यालय म दबिश…खंगाले जात हे दस्तावेज मन ल

एसीबी अउ ईओडब्ल्यू के संयुक्त कार्रवाई….. एसपी कल्याण एलिसेल – ईओडब्ल्यू के टीम ह मारिस छापा

 रायपुर।  ई-टेंडर घोटाला मामला म चिप्स अउ पीडब्लूडी के कार्यालय म एसीबी अउ ईओडब्ल्यू के कई अधिकारी मन एक संघरा दबिस दिस हे।  बता दन के, ई-टेंडर घोटाला मामला म कैग ह अपन रिपोर्ट म ए अनियमितता के जांच कराए जाए के अनुशंसा करे रहिस हे। जेखर बाद ही राज्य शासन ह पूरा मामला ल गंभीरता ले लेवत हुए ईओडब्ल्यू ल जांच के जुम्मा सउपिस।

कैग ह अपन आडिट रिपोर्ट के जरिए ए खुलासा करे रहिस हे के राज्य शासन के एजेंसी चिप्स के जरिए होए ई टेंडर के प्रक्रिया म जमके गड़बड़ी करे गिस हे।  टेंडर के नियम मन ल ताक म रखत हुए जे कंप्यूटर म टेंडर अपलोड करे गिस, उहीं कंप्यूटर ले ही ठेकेदार मन ल  न केवल टेण्डर भरिन बल्कि अधिकारी मन ह  मंजूरी घलो दे दीस। ए तरह ले अलग-अलग टेंडर के जरिए साढ़े चार हजार करोड़ रूपिया ले अधिक रासि के अनियमितता करे गिस । एती ईओडब्ल्यू ले जांच कराए जाए के भूपेश सरकार के फइसला म तंज कसत हुए पूर्व मुख्यमंत्री डॉ.रमन सिंह ह कहिन के,  अब का हर चीज म जांच के जुम्मेदारी आप मन ईओडब्ल्यू ल दू हूं ?

कैग ह करे रहिस हे जांच के अनुसंसा

कैग ह अपन रिपोर्ट म ए अनियमितता के जांच कराए जाए के अनुसंसा करे रहिस हे।  ए अनुशंसा के बाद ही राज्य शासन ह पूरा मामला ल  गंभीरता ले लेवत हुए ईओडब्ल्यू ल जांच के जुम्मा सउप दिस। पूर्व मुख्यमंत्री डॉ.रमन सिंह  ह ए  मामला म ए कहत हुए आपत्ति जताइस के,  कैग के रिपोर्ट विधानसभा के लोक लेखा समिति(पीएसी) ल जाथे, जिहां एखर परीक्षन करे  जाथे।  विधानसभा  ह ए वित्तीय मामला मन के सबले बड़े समिति हवय। ए समिति म पक्ष-विपक्ष के विधायक सदस्य होथे।