कांग्रेस के दू महत्वपूर्ण बइठक आज

रायपुर। लोकसभा चुनाव के तइयारी मन ल लेके कांग्रेस ह अपन कमर कस लेहे।  जेखर सेती पार्टी मुख्यालय म बइठक मन के दउर जारी हे।  

आज राजीव भवन म दू महत्वपूर्ण बइठक होवत हे।  पहली बइठक बिहनिया 12 बजे मीडिया कोआडिनेशन समिति के शुरू होइस हे।  जेमा लोकसभा चुनाव ल  लेके कई तरह के दिसा निरदेस दे जाही। उहें दूसर बइठक दोपहर  2 बजे  ले शुरू होही। जेमा प्रदेस भर के मोर्चा संगठन, प्रकोष्ठ अउ विभाग मन के प्रभारी अउ प्रमुख सामिल होंही।

बइठक प्रदेस प्रभारी पीएल पुनिया लेंवत हे। अउ उंखर संग प्रदेस के मंत्री व बड़े नेता बइठक म सामिल हे।   मुख्यमंत्री भूपेश बघेल ए बइठक म उपस्थिति नइए। उमन आज  देर संझा दिल्ली ले रायपुर पहुंचही। बइठक के बाद प्रभारी पुनिया अउ चंदन यादव दिल्ली वापिस लउट जाही अउ  आलाकमान ल छत्तीसगढ़ के रिपोर्ट सउपही।