इन ल एक करे म मुख्यमंत्री भूपेश बघेल के हाथ हे

रायपुर : विधानसभा म जोगी दंपति ल लेके प्रदेश के मुखिया भूपेश बघेल के एक टिप्पनी ले पूरा सदन ठहाका म गूंजे लगिस। विधानसभा म अजीत जोगी के एक सवाल म रेणु जोगी घलो एक पूरक प्रस्‍न पूछ दिन।

जेकर जुवाब देवत जल संसाधन मंत्री रवीन्द्र चौबे ह मजाकिया लहजा म कहिन के मछरी के मामला म जोगी-जोगीअइन दूनो एक हे। चौबे जी के ए बात म टिप्पणी करत शिवरतन शर्मा कहिन कि इन ल एक करे म मुख्यमंत्री भूपेश बघेल  के हाथ हे।

अतका ल सुनके सदन के सदस्य मन हांस पड़िन। सदन के गूंजत हांसी ल सुनके सीएम बघेल घलो अपन आप ल नइ रोके सकिस अउ कहिस के पति पत्नि ल एक संग मिलवाना बड़ा पुन्न के काम होथे। मुख्यमंत्री महोदय के अतका बोले सदन म फेर ठहाका गूंजे लगिस।