किसान सम्मान निधि योजना ल दिखावा बताइस कांग्रेस ह

रायपुर: केंद्र सरकार के ओर ले किसान मन बर चलाए जाए गे सम्मान निधि योजना के आज अउपचारिक सुरूआत हो गिस. योजना म किसान मन ल सम्मान निधि के तउर म छह हजार रुपिया दे जाही.

ए योजना म 2 हैक्टेयर जमीन रखइया किसान मन ल साल म छह हजार रुपिया दे जाही. रविवार के योजना के पहिली किश्त के तउर म दू हजार रुपिया  किसान मन के खाता म ट्रांसफर करे गिस.

कांग्रेस ह योजना ल बताइस दिखावा

कांग्रेस ह किसान मन के सुरू करे गे केंद्र सरकार को ए योजना ल दिखावा बतास हे. प्रदेस कांग्रेस के मीडिया विभाग के अध्यक्ष शैलेश नितिन त्रिवेदी ह कहिन, ‘किसान मन ल 6000 रुपिया दे के बात  सिरिफ दिखावटी हवय अउ एखर जरिया ले  किसान मन के आंखि म धूल झोंके के कोसिस करे गे हे.’

प्रतिदिन मिलही महज तीन रुपिया

शैलेश ह कहिन ‘मान लो जेस किसान परिवार म 5 झन हवय, उमन ल 3 महीना म केंद्र सरकार 2000 रुपिया देवत हे. तो ए परिवार के एक व्यक्ति ल  एकदिन  सिरिफ  3 रुपिया ही मिलत हे, जे  सिरिफ दिखावा हे.