ओवर पास अउ फ्लाई ओवर के सउगात दीस सीएम ह

रायपुर : मुख्यमंत्री भूपेश बघेल ह राजधानी के सुगम यातायात सुविधा बर 66 करोड़ रुपिया के लागत के ओवर पास अउ फ्लाई ओवर के सौगात दीस. सीएम ह ओवर पास अउ फ्लाई ओवर के लोकार्पण कर जनता ल सउपिस.

सीएम ह रिंग रोड क्रमांक 1 म कुशालपुर चउक के तीर 25 करोड़ 23 लाख के 640 मीटर लंबा ओवर पास अउ रिंग रोड क्रमांक 1 म ही राधास्वामी नगर-भाठागांव मार्ग म 40 करोड़ 50 लाख रुपिया के लागत राशि ले तइयार 738 मीटर लंबाई के फ्लाई ओवर के लोकार्पन करिस.

लोकार्पन कार्यक्रम के अध्यक्षता गृह अउ लोक निर्माण मंत्री  ताम्रध्वज साहू ह करिस. ए मउका म लोकसभा सांसद रमेश बैस, सांसद राज्यसभा  छाया वर्मा, नगर पालिक निगम रायपुर के महापौर प्रमोद दुबे, विधायक विकास उपाध्याय, पूर्व मंत्री बृजमोहन अग्रवाल समेत बड़का संख्या म नागरिक मउजूद रहिन.