रायपुर. राजधानी रायपुर म आधी रात के सड़क मन म निकलइया के फोटो ले के मामला म जिला न्यायलय ह एसएसपी आरिफ शेख ल नोटिस जारी कर जवाब तलब करे हे. संदिग्ध समझके लोगन मन के फोटो खींचे के मामला म जिला विधिक सेवा प्राधिकरण ह संज्ञान लेय हे.
ए प्रकरन म जिला अउ सत्र न्यायाधीस अउ प्राधिकरन के अध्यक्ष ह एसएसपी आरिफ शेख ले जवाब मांगिस हे. नोटिस म एसएसपी ल तीन दिन के अंदर लिखित प्रतिवेदन पेस करे बर कहे गे हे.बता देंन कि रायपुर एसएसपी आरिफ शेख के आदेस म आधी रात के बाद सड़क म निकलइया संदिग्ध मान के पूछताछ अउ वाहन चालक मन के परिचय पत्र के संग फोटो ले के बातआघू आइस हे.
पुलिस के इस निर्देस ले आम जनता ल काफी परेसानी आघू आवत हे. प्राधिकरन के तरफ ले जारी विज्ञप्ति म कहे गे हे कि पुलिस उपर आम लोगन के अधिकार मन के सुरक्षा के जुम्मा हे. उंखर द्वारा नागरिक मन के संवैधानिक अधिकार मन के हनन करे जाना कोनो तरह ले उचित नइए.
Other Articles
सराबबंदी होए म सरकार कोन विकल्प म करही गउर
गउ साला म पाठसाला, बदबू म पढ़े बर मजबूर नौनिहाल
