कवर्धा: छत्तीसगढ़ के सियासत म इन दिन मन म राजनीतिक तंज क्रिकेट के भाखा म कसे जात हे. रविवार पूर्व मुख्यमंत्री रमन सिंह ह विधानसभा चुनाव म बीजेपी के हिट विकेट ले के बता करिन तो सोमवार के मुख्यमंत्री भूपेश बघेल घलो इहीं भाखा म जवाब दिन हे.
रविवार पूर्व सीएम रमन सिंह ह विधानसभा चुनाव म बीजेपी के हार ल लेके कहिन के, क्रिकेट के भाखा म बोलन तो हिट विकेट होगे , वर्ना कांग्रेस के ताकत नइ रहिस हे. उंखर तीर कोनो बल्लेबाज नइ रहिस हे. जे हमन ल हरा देतीस. ‘
मुख्यमंत्री भूपेश बघेल रमन सिंह के बयान म पलटवार करत हुए कहिन के, हमन तो चुनाव ले पहिली ही कह देय रहेन के उंखर क्रिकेट खेले के उम्र नइए, हिट विकेट हो जाही अउ उही होइस.
बता दे के विधानसभा चुनाव म बीजेपी ल करारी हार मिलिस हे. कुल 90 सीट म बीजेपी ल मात्र 17 सीट मिले हे. अब लोकसभा चुनाव के तइयारी मन म जुटे बीजेपी अपन हार ल भुलाके नवा जोश म आघू बढ़े के कोशिश म हे.
