निराश कार्यकर्ता मन ल रिचार्ज करिस अमित जोगी ह

अंबिकापुर. जनता कांग्रेस छत्तीसगढ़ (जोगी) के प्रदेश अध्यक्ष अमित जोगी मंगलवार के लोकसभा चुनाव की तियारी मन ल ले के सूरजपुर पहुंचिस. इहां उमन कार्यकर्ता मन के संग छत्तीसगढ़ स्वाभिमान बइठक करिन. ए बइठक म अमित ह विधानसभा चुनाव म मिले हार ले निराश कार्यकर्ता मन ल रिचार्ज करिन. ए दउरान उमन प्रदेश के कांग्रेस सरकार उपर जमके निशाना साधिस.

अमित जोगी ह कार्यकर्ता मन ल लोकसभा चुनाव म बसपा अउ जेसीसी (जे) गठबंधन
के छत्तीसगढ के सबो 11 सीट मन म चुनाव लड़े के जानकारी दीस. प्रत्याशी
चयन म कहिन के, पार्टी सुप्रीमो अजीत जोगी उपर ए जुम्मेदारी हवय. उहें
दूसर ओर भाजपा अउ कांग्रेस म दावेदार मन के बड़का लिस्ट हे. कांग्रेस
बहुत जल्द ही उम्मीदवार के ऐलान कर सकत हे.

बता दें के लोकसभा चुनाव के तारीख मन के ऐलान होए के बाद जिला म भाजपा अउ
कांग्रेस कार्यकर्तामन के संग पदाधिकारी मन के बइठक सुरु हो गे हे.. जोगी
कांग्रेस घलो कोनो कसर छोड़ना नई चाहत हे. कार्यकर्ता मन ल मइदान म डटे
रहे बर प्रेरित करत हवय. सरगुजा म तीसर चरन म 23 अप्रैल के मतदान हो ही.