सुकमा के चिंतागुफा थाना के DRG के जवान ह करिस खुदकुशी

 सर्विस रायफल ले खुद ल मारिस गोली

सुकमा. जिले म एक जवान ह खुदकुशी कर लीस हे. अपन सर्विस रायफल ले जवान ह खुद ल गोली मार लीस. गोली लगे ले जवान के मउका म ही मउत हो गिस. घटना चिंतागुफा थाना के बताए जात हे. फिलहाल आत्महत्या के कारन के पता नइ चल पाइस हे. पुलिस ह जवान के शव ल पोस्टमार्टम बर भेज दे गे हे. घटना के पुष्टि जगरगुंडा एसडीओपी ईश्वर प्रसाल त्रिवेदी ह करिस हे.

मिले जानकारी म डीआरजी के जवान सोयम रमेश चिंतागुफा थाना म पदस्थ रहिस हे. शुक्रवार क बिहनिया अचानक जवान ह अपन एके-47 ले खुद के उपर एक राउंड फायर करिस. ड्यूटी के दउरान ही जवान ह खुद ल गोली मारिस. गोली के आवाज सुनत ही थाना म अफरा-तफरी मच गिस. घटना के जानकारी मिलत ही अधिकारी मउका
म पहुंचिन. गोली लगे ले मउका म ही जवान के मउत हो जाए के बात पुलिस कहिन हवय. फिलहाल जवान के शव ह पोस्टमार्टम के बर भेज दे गे हे. पुलिस आघू के कार्रवाई करत हवय.