बिलासपुर म बीमा रासि के नाव म किसान मन संग खेल खेले गिस

बिलासपुर। जिला म बीमा रासि के नाव म किसान मन संग खेल खेले गिस। एला लेके किसान मन म खासा आक्रोस हे। अउ ओमन आंदोलन करे बर उतारु हो गिन हे। असल म कृषि विभाग अऊ इंश्योरेंस कंपनी के लापरवाही ले किसान मन के खाता म बीमा राशि के नाव म 10 रुपिया ले लेके 95 पइसा तक पइसा जमा करे गिस । किसान मन के कहना हे कि रासि नइ देना हे त झन दय, फेर ओमन के संग अइसन खेल झन खेलय… ये लापरवाही के ठीकरा अधिकारी एक दूसर के उपर फोड़े के कोसिस करत हे। बता दन कि कुछ ब्रांच म बीमा रासि नइ के बराबर दे गिस। मनपहरी के सरस्वती बाई के खाता म खाली 1 रुपिया 61 पइसा अऊ जमा कराए गिस अऊ सीपत के श्रीराम सूर्यवंशी के खाता म 1 रुपये 95 पइसा जमा होइस।