दरूहा मन बर खुशखबरी.. बाढ़ गे बेरा.. दारू दुकान के..

रायपुर. प्रदेस म सरकार ह दरूहा मन ल राहत दे हे। काबर कि भूपेश सरकार ह शराबबंदी ल लागू करे बर एक समिति के गठन करे रिहिस उहें दूसर कोती शराब पीयईया मन बर सुविधा घलो बढ़ा दे हे। अईसे एखर सेती कहे जात हे कि प्रदेश म अब शराब दुकान खुले अऊ बंद होए के समय ल बढ़ा दे हे।

रायपुर कलेक्टर डॉ बसवराजु एस ह मंगलवार के आदेश जारी कर 27 शराब दुकान मन के खुले के समय अऊ बंद होए के समय म बदलाव करे हे। पहिली जिहां शराब दुकान दिन के 12 बजे खुलके रात म 9 बजे बंद होत रिहिस उहें अब एखर समय म बदलाव करके सुबह 11 बजे ले रात 10 बजे तक करे गे हे। एखर मतलब इही कहे जात हे कि शराबी मन ल राहत दे गे हे अऊ दू घंटा के समय म बढौत्तरी करे गे हे।