निर्देशक पुष्पेंद्र सिंह ह सुपर स्टार अनुज शर्मा ला बनाईस औरत , रंगोबती म दिखही कमाल

दीपक बावनकर@रायपुर. निर्देशक पुष्पेंद्र सिंह के अवईया फिलिम रंगोबती एक ड्रामेटिक कॉमेडी आए , एमा सुपरस्टार अनुज शर्मा अउ लेस्ली त्रिपाठी मुख्य रूप से नजर आही। फिलिम के खास बात ये हे कि एमा अनुज शर्मा एक औरत के किरदार निभाए हे। निर्देशक पुष्पेंद्र ह बताइस कि शूटिंग के समय अनुज शर्मा तैयार होए म 3 ले 4 घंटा के समय लागे, जेखर कारण कई दिक्कत घलोक होइस लेकिन फिलिम ह कमाल के बने हे। एखर पहिली पुष्पेंद्र सिंह ह। रंगरसिया बनाए रहीस जेला दर्शक मन खूब पसंद करे रहीस, खासकर ओमा के उड़िया कैरेक्टर के कॉमेडी ल अब रंगोबती म नया प्रयोग करे गे हे उड़िया अउ बंगाली कैरेक्टर के कॉमेडी दर्शक मन ल हंसा हंसा के लोटपोट कर दीही।

ये फिलिम के निर्माता अशोक तिवारी आय।एमा प्रदीप शर्मा, निशांत उपाध्याय, संगीता निषाद, संजना सोनी, राजू पांडे ,तरुण बघेल अउ शैलेंद्र भट्ट के संग बड़ अकन कलाकार मन एक्टिंग करे हे । एखर शूटिंग पाटन अउ रायपुर के आसपास करे गे हे। फिल्म के सब्बो काम हो गे हे, बस कुछ दिन म ये फिलिम सिनेमाघर म प्रदर्शित हो जाही।