मनरेगा के काम म गड़बड़ी, सचिव हो गे निलंबित

कांकेर। पखांजूर के कुरेनार ग्राम पंचायत म मनरेगा के काम म उहां के सचिव ह गड़बड़ी करिस, जेखर बर जिला पंचायत के मुख्य कार्यपालन अधिकारी डॉ. संजय कन्नौजे ह ओ सचिव सूर्यकांत सरकार ल निलंबित कर दिस।

अइसे जानकारी मिले हाबय कि डबरी बनाए के काम म धांधली करिस अउ मजदूर मन ले  काम नई कराके मशीन ले वो काम ल कराइस हे, जेखर उहां के गांव वाले मन ह  शिकायत करे रिहिस हे। ऐखर जांच ल एपीओ नरेगा अउ शिकायत समन्वयक ह करिस हे। जांच म शिकायत ल सही पाए गिस। येखर बर वो सचिव ल निलंबित कर दिस अउ ओखर साथ म संबंधित तकनीकि सहायक तुलाराम ठाकुर ल घलो कारण बताओ नोटिस जारी करे गे हे।