कांकेर. जिले के हाईस्कूल अउ हायर सेकंडरी स्कूल म खाली 200 पद म अतिथि शिक्षक मन के भरती करे जाही। एखर बर 16 जुलई तक आवेदन मंगाए गे हे। अतिथि शिक्षक पद बर शैक्षणिक योग्यता संबंधित विषय म द्वितीय श्रेणी स्नातकोत्तर उपाधि अउ बी.एड. अनिवार्य हे।
जिला शिक्षा अधिकारी अर्जुन लाल मेश्राम ह बताईस कि जिले के हाईस्कूल अउ हायर सेकेण्डरी स्कूल में खाली पद म नियमित भरती होए तक अतिथि शिक्षक के माध्यम ले शैक्षणिक बेवस्था करे जाही, जेखर बर विषयवार आवेदन मंगाए गे हे। कांकेर जिला म कुल 200 पद म अतिथि शिक्षक मन के भरती करे जाही, जेमा अंग्रेजी के 20, गणित के 45, भौतिक के 50, रसायन के 20, जीवन विज्ञान के 25 अउ वाणिज्य के 40 पद हे।
मेश्राम ह बताईस हे कि अतिथि शिक्षक पद बरशैक्षणिक योग्यता संबंधित विषय म द्वितीय श्रेणी स्नातकोत्तर उपाधि अउ बी.एड. अनिवार्य हे। इच्छुक अभ्यर्थी मन ह निर्धारित प्रारूप म आवेदन पत्र शैक्षणिक योग्यता के प्रमाण पत्रों सहित पंजीकृत डाक ले कार्यालय जिला शिक्षा अधिकारी कांकेर के पते म भेज सकथे। पंजीकृत डाक ले आवेदन कार्यालय म प्राप्त होए के आखिरी तिथि 16 जुलई संझा 5.30 बजे तक हे। निर्धारित तिथि तक कार्यालयीन समय म व्यक्तिगत रूप ले घलोक आवेदन पत्र कार्यालय म जमा कर सकथे। जादा जानकारी बर जिला शिक्षा अधिकारी कार्यालय कांकेर के सूचना पटल अउ एन.आई.सी. के वेबसाइट म संपर्क कर सकत हे।
