![अनुसूचित जाति अउ जनजाति वर्ग के युवा मन बर हॉस्पीटालिटी अउ होटल मैनेजमेंट म रोजगार के बढ़िया संभावना job](https://jayjohar.com/wp-content/uploads/2019/07/job.jpg)
अनुसूचित जाति अउ जनजाति वर्ग के युवा मन बर हॉस्पीटालिटी अउ होटल मैनेजमेंट म रोजगार के बढ़िया संभावना
रायपुर। प्रदेश म अनुसूचित जाति अउ जनजाति वर्ग के युवा मन बर हॉस्पीटालिटी अउ होटल मैनेजमेंट म रोजगार के बेहतर संभावना हें। हॉस्पीटालिटी अउ होटल मैनेजमेंट पाठ्यक्रम या डिप्लोमा के कोर्स करके युवा मन प्रतिष्ठित संस्थान मन म रोजगार प्राप्त कर सकत हें।
अनुसूचित जाति अउ जनजाति विकास विभाग के द्वारा प्रदेश म अनुसूचित जाति अउ जनजाति वर्ग के युवा मन बर हॉस्पीटालिटी अउ होटल मैनेजमेंट के प्रशिक्षण दिए जावत हे। ये प्रशिक्षण हा एक साल के होथे, जेमा 9 महीना कक्षा अउ 3 महीना कोनो स्थानीय ऑउटसोर्स करके प्रतिष्ठित कम्पनी या संस्थान म ऑनजॉब प्रशिक्षण दिये जाथे। प्रशिक्षण म फ्रण्ट ऑफिस, किचन, फूड एण्ड बेवरेजेस सर्विसेज, हाऊस किपिंग, क्लास रूम, लायब्रेरी, फिटनेस, ग्रुमिंग अउ इंग्लिश स्पीकिंग आदि के कक्षा संचालित करे जावत हे।
हॉस्पीटालिटी अउ होटल मैनेजमेंट म कैरियर बनाए के आंकाक्षा रखने वाला अनुसूचित जाति अउ जनजाति वर्ग के 18 से 25 वर्ष के मध्य आयु वर्ग के युवा अनुसूचित जाति एवं जनजाति विकास विभाग द्वारा संचालित योजना के तहत प्रशिक्षण प्राप्त कर सकत हें। क्लास रूम अउ ऑनजॉब प्रशिक्षण के बाद प्रतिष्ठित संस्थान म या स्वयं के रोजगार कर सकत हें।
प्रशिक्षण बर चयनित करे गे सबो प्रशिक्षणार्थी मन ला प्रशिक्षण के व्यय शासन द्वारा वहन करे जावत हे। प्रशिक्षण पूर्णकालिक होथे, प्रशिक्षण अवधि म प्रशिक्षणार्थी कोनो अउ प्रकार के नियमित पाठ्यक्रम या नौकरी व्यवसाय नई कर सकय। प्रशिक्षण बर चयन लिखित परीक्षा या काउंसिलिंग के आधार पर होथे। प्रशिक्षण बर प्रशिक्षणार्थी ला राज्य के मूल निवासी होए के संग ओकर जाति राज्य के अनुसूचित जाति, जनजाति बर घोषित सूची म शामिल होना जरूरी हे। शैक्षणिक योग्यता म मान्यता प्राप्त बोर्ड ले कोनो भी विषय म हायर सेकेण्डरी परीक्षा म न्यूनतम 50 प्रतिशत या ज्यादा अंक के साथ उत्तीर्ण होना चाहिए। अंग्रेजी बोले अउ लिखे के योग्यता के साथ ही हायर सेकेण्डरी स्तर म अंग्रेजी विषय म उत्तीर्ण होना जरूरी हे।