इंद्रावती नदी म डोंगा पलटे ले 21 झन फंसिन, बचाव काम जारी

दंतेवाड़ा. बस्तर के कई ठन इलाका म कुछ दिन ले लगातार बारिश होवत हे, जेखर सती इंद्रावती नदी म उफान हे। सोमवार के इंद्रावती म डोंगा के पलटे ले 5 शिक्षक समेत 21 लोग मन ह चट्टान म फंस गे हे। बचाव टीम मौका म पहुंच के फंसे लोगन के बचाव में जुट गे हे।

अइसे जानकारी मिले हे कि ये सबो झन डोंगा म इंद्रावती नदी ल पार करत रिहिन हे। तभे बीच नदी म डोंगा पलट गिस, तांहा ले सबे झन डूबत रिहिस, गनीमत ये रहीस कि नाव म सवार सबो झन ल तैरे ल आवत रिहिस, तैर के वोमन ह एक पत्थर तक पहुंच गे।