भाजपा के दू पदाधिकारी मन के बहस ह बदलीस मारपीट म

रायपुर। भारतीय जनता पार्टी भिलाई के जिला अध्यक्ष सांवला राम डाहरे अउ जिला उपाध्यक्ष मार्कंडेय तिवारी के बीच म आपसी कहासुनी होय के बाद मारपीट होगे। दरअसल, भिलाई म अस्थाई तौर म तइयार करे गे भाजपा कारयालय 32 बंगला म मुख्यमंत्री रमन सिंह के विकास यात्रा ल लेके बइठक बुलाए गे रिहस हे। बइठक के दउरान ही दूनों के बीच म बहस होइस जे ह मारपीट म बदल गे। घटना के बाद भाजपा पदाधिकारी अपन-अपन बात ल लेके भाजपा के राष्ट्रीय महामंत्री अउ राज्यसभा सांसद सरोज पाण्डेय के निवास म पहुंचीन जिहां घंटों बइठक चलीस। बताय जात हे कि भिलाई जिलाध्यक्ष अपन इस्तीफा लेके पहुंचे रहिन हे,ये विषय ल पूछे गिस त कोनो कुछु बोले ल बचत हे।