तेज रफ्तार ट्रक ह लिस स्कूली लइका के जान, गांव वाले मन करिन चक्काजाम

रायगढ़. जिले के सरिया थाना इलाका म एक तेज रफ्तार ट्रक ह एक स्कूली लइका के जान ले लिस। उंहे ये हादसा दू झन अउ लइका मन घायल हो गे। हादसे के बाद चालक ह ट्रक ल छोड़के भाग गे।

ये दर्दनाक सड़क हादसा के बाद सरिया म लोग मन ह आक्रोशित हो गे अउ चक्काजाम कर प्रसासन के खिलाफ जोरदार नारेबाजी करिन। चक्काजाम के सूचना मिलिस तांहन तत्काल सरिया पुलिस, एसडीएम अउ तहसीलदार ह मौका म पहुंच के गांव वाले मन ल समझा-बुझा के माहोल ल शांत करईन हे।