बड़ दिन बाद होइस कोनो छत्तीसगढ़ी फिलिम सुपरहिट, 40 दिन बाद भी दर्शक मन के भीड़ वईसने

ये बात सौ प्रतिशत सत्य हे कि बड़ दिन बाद कोनो छत्तीसगढ़ी फिलिम सुपरहिट के तमगा अपन नाम कर पाईस ये फिलिम हावे “हंस झन पगली फंस जबे” ये ह अपन 50 वाँ दिन कोति अग्रसर हवे। 14 जून के रिलीज होइस ये फिलिम ला दर्शक मन के प्यार अउ दुलार आज भी मिलत हे, ये फिलिम के सामने कतको हिंदी फिलिम आईस अउ गिस लेकिन एखर दर्शक मन आज भी आवत हे अउ फिलिम ल सुपरहिट बनावत है ।

सुघ्घर गीत संगीत अउ उम्दा निर्देशन ह एखर जान हवे तेखरे सेती ये फिलिम ल देखइयया हर दर्शक के मुहुं ले एके बात निकालथे कि वाह का फिलिम हे कहीके ।मुल्टीप्लेक्स वाला मन के मुहुं बंद कर देने वाला ये फिलिम म कलाकार मन के जमघट अउ उंखर अदाकारी बने मेल खाथे ।

फिलिम कब खतम होथे पता नई चले ।बने ढंग ले फिलिम बने हे तेखरे कारण अपने रिकॉर्ड ला तोड़ीस हे निर्देशक सतीश जैन ह। ये दूसरा या तीसरा बार हे जब सतीश जैन ह छत्तीसगढ़ी सिनेमा म नया जोश अउ उत्साह दिस हे, अब फेर एक बार फिलिम बनाए के दौर शुरू हो गे हे एखर श्रेय जाथे सुपरहिट निर्देशक सतीश जैन ल।