दू यात्री बस म भीषण टक्कर, दूनो बस के चालक समेत 7 यात्री के मउत, 40 घायल

धमतरी।  आज बिहनिया धमतरी रोड म चिटोद के पास तेज रफ्तार दू लग्जरी यात्री बस आमने-सामने जोरदार टकरा गे। ये हादसा म दूनो बस चालक के मउत हो गे। उंहे लगभग 40 यात्री मन ल घायल बताए जाथ हे।

अईसे जानकारी मिले हंवय कि पायल ट्रैवल्स के बस ह रायपुर ले जगदलपुर के ओर जावत रहीस अउ बस्तर कोती ले कांकेर ट्रैवल्स के बस ह रायपुर के तरफ आवत रहीस। इही दउरान बिहनिया 8 बजे धमतरी रोड म चिटोद के पास दूनो बस ह आपस म टकरा गे। हादसा अतेक जबरदस्त रहीस कि दूरो बस के परखच्चे उड़ गे। हादसा म दूनो बस के चालक समेत 7 झन के मउत हो गे। लगभग 40 यात्री घायल हो गे। हादसा के बाद रोड म जाम लग गे रिहिस, जेला बालोद अउ धमतरी जिला के पुलिस ह मौका म पहुंच के दुरूस्त करिस हे अउ लोगन मन के मदद ले घायल यात्री ल बस ले बाहिर निकाल के इलाज बर धमतरी के जिला अस्पताल भेजवईन हे।