जम्मू-कश्मीर म कारखाना लगाए बर एशिया के सबले बड़े हेलमेट कंपनी ह करे हे पेशकश

व्यापार। जम्मू-कश्मीर ल विशेष दर्जा देवईया धारा 370 के निष्क्रय होय के दूसर दिन ही इहां हेलमेट बनईया एशिया के सबले बड़े कंपनी स्टीलबर्ड हाईटेक ह विनिर्मान संयंत्र लगाए बर पेशकश करे हे।

कंपनी के चेयरमैन सुभाष कपूर के कहिना हे कि अनुच्छेद 370 ल हटाए बर प्रधानमंत्री नरेन्द्र मोदी अउ गृह मंत्री अमित शाह के ये ह बहुप्रतीक्षित कदम हे। ये फइसला ले ये सुनिश्चित होगे हे कि कश्मीर घाटी भारत के मुख्याधारा म शामिल होही अउ हमर देश के सामूहिक विकास के हिस्सा बन सकही।

श्री कपूर ह कहिन कि अभी तक जम्मू-कश्मीर म ज्यादातर विनिर्माण गतिविधियां खेती अउ हस्तशिल्प तक सीमित रिहिस। हमन अक्टूबर म होवईया निवेशक सम्मेलन के म उहां विनिर्मान संयंत्र लगाए के योजना बनावत हन। हमन ल उम्मीद हंवय कि कंपनी ल घाटी म मुक्त तरीका ले समान नियम के तहत काम करे म मदद मिलही।