रायगढ़। ओपी जिंदल विश्वविद्यालय रायगढ़ ल ‘इमर्जिंग यूनिवर्सिटी ऑफ़ इंडिया’ अवॉर्ड ले सम्मानित करे गे हे। 9 अगस्त के द लीला अम्बिएंस कन्वेंशन होटल दिल्ली होईस 14 वां ‘वर्ल्ड एजुकेशन समिट-2019’ म विश्वविद्यालय के कुलपति डॉ. आर. डी. पाटीदार ह विश्वविद्यालय के ओर ले अवॉर्ड ग्रहण करिन हे। ओपी जिंदल विश्वविद्यालय ल ये सम्मान स्टील टेक्नोलॉजी अउ मैनेजमेंट के क्षेत्र म उत्कृष्ट शिक्षा देके अपन विशिष्ट पहचान बनाए बर दे गिस हे।
समारोह में डॉ. पाटीदार ह कहिन हे कि देश के नवा विश्वविद्यालय मन के बीच अपन अलग मुकाम बनाके ओपी जिंदल विश्वविद्यालय ल ये सम्मान मिलना गौरव के बात हे। ये मौका म डॉ. पाटीदार ह देश-विदेश के जाने-माने शिक्षाविद के सामने उच्च शिक्षा म नवाचार विषय म अपन विचार घलोक रखिन हे, जेखर बहुत सराहना करे गिस।
बता देंन कि ‘वर्ल्ड एजुकेशन समिट-2019’ शिक्षा के क्षेत्र म नवाचार अउ रचनात्मक कार्य बर समर्पित प्रमुख अंतरराष्ट्रीय मंच हे। इहां शीर्ष निर्णय लेवईया, ऑन-द-ग्राउंड काम करईया संग अपन विज़न ल साझा करथे अउ वर्तमान अउ भविष्य म शिक्षा परिदृश्य म विभिन्न उभरत अवसर के पता लगाए अउ सहयोग करे बर एक-दूसर के मदद करथे।
