अपन हाथ ले भोजन करिन अजीत जोगी ह

रायपुर। जेसीसीजे सुप्रीमो अजीत जोगी के स्वास्थ्य ल लेके एक बड़े खबर सामने आइस हे। जोगी ह पूरी तरह ले स्वस्थ हो चुके हे। आज जोगी अपन हाथ मन ले भोजन घलोक करिन। निमोनिया संक्रमण के संभावना मन ल देखत हुए आईसीयू म पृथक नेगेटिव प्रेशर रूम म रखे के निर्णय ले गिस हे। ये बात के जानकारी गुंडरदेही विधायक राजेंद्र राय ले मिलीस हे।
जोगी के खास लोगन म सामिल विधायक राजेंद्र राय ह बताइस कि अजीत जोगी ह अब पूरी तरह ले स्वस्थ होगे हे ,अउ मैं स्वयं आज उमन ले मिले बर मेदांता पहुंचे हव। जिहां उमन के परिजन मन ले जेसीसीजे सुप्रीमों के स्वास्थ्य अउ प्रदेश के राजनीति ल लेके लंबा चर्चा होइस हे। बता दन कि जोगी ह बीते ​गुरुवार देर रात गुड़गांव के मेदांता अस्पताल ले अपन शुभचिंतक मन बर एक फोटो शेयर करिस हे। ये करे संग परिजन मन ह उमन के जल्द स्वस्थ होय के सूचना दीस हे।