नरवा म तइरत रिहिस दू ठन मगरमच्छ, गांव वाले मन पकड़ के छोड़िस कोटमीसोनार के क्रोकोडाइल पार्क म

जांजगीर-चांपा। कोटमीसोनार के कर्रा नरवा म दू ठन मगरमच्छ ल तइरत देख उंहा नवाहत रिहिस लोगन मन दशहत म आ गे रिहिस। गांव वाले मन ही वो दूनों मगरमच्छ ल पकड़ के क्रोकोडाइल पार्क म ले जाके छोड़िन हे।

बतात हे कि कोटमीसोनार के कर्रा नरवा म कुछ गांव वाले मन नहावत रिहिन। इही दउरान वो मन ह लगभग 4-4 फीट के मगरमच्छ ल तैइरत देखिस, ताहन वो मन ह डर्रा गे। ये बात के जानकारी वन अमला ल दिस हे फेर वन अमला के कर्मचारी मन मौका म नई पहुंचित, तेकर बाद गांव वाले म ह बहुत मशक्कत करके दूनो मगरमच्छ ल पकड़िस अउ वोला जे जाके क्रोकोडाइल पार्क म ढिलिस हे।