राष्ट्रीय प्रतिभा खोज परीक्षा बर 14 सितम्बर तक कर सकथे आवेदन, 3 नवंबर के होही परीक्षा 

रायपुर। राष्ट्रीय प्रतिभा खोज परीक्षा तीन नवंबर के होही। परीक्षा ल दू चरण म आयोजित करे जाही। पहिली चरण के परीक्षा ल राज्य शैक्षणिक अनुसंधान अउ प्रशिक्षण परिषद (एससीईआरटी) ह लिही। इही तरह ले दूसर चरण के परीक्षा ल एनसीईआरटी ह आयोजित करही। ये परीक्षा बर आवेदन भरे के आखिरी तारीख 14 सितम्बर तक हरे।

ये परीक्षा म उही विद्यार्थी शामिल हो सकथे जेन ह अभी 10वीं कक्षा म पढ़त हे अउ कक्षा 9वीं म वो ह 60 प्रतिशत या एकर ले जादा अंक लाए हे। एकरे ले जुड़े साधन सहछात्रवृत्ति योजना बर 8वीं म पढ़ईया विद्यार्थी जेन ह कक्षा 7वीं म कम से कम 55 प्रतिशत अंक ले पास होय हे, वोमन ल पात्र माने गे हे। ये परीक्षा बर विद्यार्थी मन ल 9वीं अउ साधन सह छात्रवृत्ति योजना बर कक्षा 7वीं के अंकसूची, जाति, आय अउ दिव्यांगता ले जुड़े प्रमान पत्र आवेदन के साथ जमा करना पड़ही। प्रतिभा खोज परीक्षा म पास होवईया विद्यार्थी मन ल कक्षा 11वीं अउ 12वीं, स्नातक, स्नातकोत्तर अउ पीएचडी म घलो छात्रवृत्ति दे जाही

आवेदन पत्र विद्यार्थी ह अपन स्कूल ले पा सकत हे या राज्य शैक्षणिक अनुसंधान अउ प्रशिक्षण परिषद के वेबसाइट www.secrt.cg.gov.in ले डाउनलोड कर सकथे।