एक अऊ रिकॉर्ड छत्तीसगढ़ी सिनेमा के , “हंस झन पगली” के सौ दिन , कलाकार मन के होईस सम्मान

दीपक बावनकर@रायपुर किसी फिल्म में मैंने सुना था कि फिल्मे तीन वजह से चला करती है  इंटरटेनमेंट, इंटरटेनमेंट और इंटरटेनमेंट. ये बात आज सही भी नजर आ रही है . काबर कि कोनो भी फिलिम ल मनोरंजक बनाए म अगर काखरो हाथ होथे त वो हे फिल्म के निर्देशक अऊ वो हे सतीश जैन . सतीश जैन ह ये कमाल पहिली बार नई करे हे ,एखर पहिली भी जैन साहब ह अइसे कमाल कर चुके हे , हंस झन पगली वो दौर म रिलीज होईस जब इन्हा के कलाकार अऊ निर्माता ,निर्देशक मन अपन प्रतिष्ठा के लड़ाई मल्टीप्लेक्स वाला मन संग लडत रिहिस ,खैर एमा जीत फिलिम वाला मन ल ही मिलिस

हंस झन पगली अपन सौ दिन पूरा करिस त फिल्म के यूनिट अऊ सब्बो कलाकार मन बर एक पार्टी रखे गीस ,ये पार्टी होटल सेलिब्रेशन म रखे गिस , जिन्हा संस्कृती मंत्री अमरजीत भगत ,कसडोल विधायक शकुंतला साहू ,दिलीप षडंगी समेत छत्तीसगढ़ी सिनेमा के तमाम हस्ती मौजूद रिहिस , सब्बो झन के सम्मान करे गिस अऊ कुछ कलाकार मन ल आर्थिक सहयोग घलोक दे गिस , ये मौका म निर्देशक सतीश जैन ,छोटे लाल साहू ,उपासना ,प्रदीप शर्मा ,क्रांति दीक्षित ,रवि साहू ,आकाश सोनी , अनिकृति , मन कुरैशी समेत बड अकन कलाकार मन उपस्थित रिहिन