रोजगार सहायक अऊ मेट उपर दबंगई के आरोप

गरियाबंद । जिला के जनपद पंचायत फिंगेश्वर के ग्राम पंचायत बहरापाल के सैकड़ों मजदूर हंगामा करिन। मजदूर मन रोजगार सहायक अऊ मेट उपर दबंगई के आरोप लगाइन हे, अऊ जनपद कार्यालय कना जमके नाराबाजी करिन। एकर संग ही मजदूर मन दून्नो के उपर कार्रवाई करे के मांग करिन। मामला मनरेगा ले जुड़े हे, जेमा रोजगार सहायक अऊ मेट पहिली एक हफ्ता के मांग पत्र भरवाइन। फेर ओमन खाली 4 दिन के ही काम दिस अऊ हफ्ता के 2 दिन काम बंद कर दिस। मजदुर जब काम म गिन त रोजगार सहायक अऊ मेट ये कहके जम्मो मजदुर मन ल भगा दिस कि रासि खत्म हो गिस हे, कउनो ल काम नइ मिलय।