गिरफ्तारी, धरना अऊ ज्ञापन के संग देशव्यापी बंद होही आठ के

जय जोहार रायपुर…228 किसान संगठन अऊ लाखो किसान मन आठ जनवरी के पूरा राज्य म सक्लाही अऊ केंद्र सरकार के संग राज्य सरकार के खिलाफ हल्ला बोलहि, बता दन कि राज्य म ये पहला मौक़ा होही जब अतेक बड़े संख्या म किसान मन राजधानी आही अऊ धरना प्रदर्शन करही.

देशव्यापी ग्रामीण भारत बंद के नाम से ये बंद के आह्वान करे गे हे, एमा केंद्र सरकार के कृषि उत्पाद अऊ विपणन म विदेशी सेक्टर के दखल के विरोध अऊ राज्य म किसान मन ल मासिक पेंसन दे बर, मरेगा म हर परिवार ल दू सौ पचास दिन के रोजगार अऊ छः सौ रूपया रोजी के मांग के संग सार्केगुडा काण्ड म दोषी मन ऊपर मुकदमा के मांग शामिल हे.