डॉ. रमन सिंह के निज सचिव ओपी गुप्ता होगे गिरफ्तार, नाबालिग नोनी ले दुष्कर्म के आरोप

जय जोहार रायपुर… राजनांदगांव के गोटुलमुड़ा गाँव के एक नाबालिग लड़की ह रायपुर म एन जी ओ के मदद ले रिपोर्ट लिखाईस कि ओखर संग तीन साल ले लगातार दुष्कर्म होवत रिहिस, ओला डरा धमका के ये सब कृत्य करे वाला अऊ कोनो नई बल्कि पूर्व मुख्यमंत्री रमन सिंह के निज सचिव ओ.पी.गुप्ता आय.

अभी तक अपन रसूख अऊ पद के कारण बाचे गुप्ता ल काली देर रात ओखर राजेंद्र नगर निवास ले पुलिस ह गिरफ्तार करिस, नाबालिग ह किहिस कि गुप्ता ह ओखर संग जबरदस्ती करे अऊ डराए धमकाय संगे संग जान से मारे के धमकी देवय, गुप्ता ह वो नाबालिग लड़की ल पढाय के नाम से रायपुर ले के आय रिहिस अऊ लगातार ओखर शोषण करत रिहिस.