जय जोहार रायपुर… अभिनेता करन खान अऊ अभिनेत्री मुस्कान स्टारर बेनाम बादशाह फरवरी माह म आय के तैय्यारी म हे, निर्देशक प्रणव झा ह किहिस कि ये फिलिम म करन खान ह बेमिसाल अभिनय करे हे अऊ ओखर बराबर संग दे हे मुस्कान ह, मुस्कान के बी.ए.फर्स्ट इयर सुपरहिट फिलिम रिहिस जेला घलो प्रणव झा ह निर्देशित करे रिहिस,
अब प्रणव ले के आवत हे बेनाम बादशाह जेमा छत्तीसगढ़िया मन के सम्मान के लड़ाई ऊपर जबरदस्त फिल्मांकन होय हे, ये फिल्म के दू गाना रिलीज होय हे जेला खूब पसंद करे जात हे खासकर महुआ झरे गीत खूब लोकप्रिय होवत हे. करन अऊ मुस्कान ल ये फिलिम ले बहुत उम्मीद हे, प्रणव झा एक अच्छा निर्देशक हे वो साबित कर चुके हे अऊ बेनाम बादशाह ल घलो वो ह समय ले के बनाय हे अऊ जल्द एखर एडिटिंग पूर्ण हो जाहि, अवैय्या फरवरी माह म एला रिलीज करे के योजना हे.
