योग दिवस म कीर्तिमान रचिस छत्तीसगढ़ ह

रायपुर। इंटरनेशनल योग दिवस म छत्तीसगढ़ ह कीर्तिमान रचिस हे। रायपुर के इंडोर स्टेडियम म योग शिविर के आयोजन करे गिस। येमा सीएम रमन​ सिंह समेत केंद्रीय मंत्री आरके सिंह घलो शामिल होइन। प्रदेश भर म होय योग शिविर म एक करोड़ लोगन ह एक संघरा, एक बखत म योग करिन। प्रदेश म एक साथ सबले जादा लोगोन के संग करे के नायब रिकार्ड छत्तीसगढ़ के नाम दर्ज हो गिस हे। ये रिकॉर्ड गोल्डन बुक ऑफ वर्ल्ड रिकॉर्ड म दर्ज करे गेहे । बतादन के पीछु दफा छत्तीसगढ़ म एक संघरा पूरा प्रदेश म 50 लाख ले ज्यादा लोगन ह योग करे रिहिस हे। ये बेर ये आंकड़ा 1 करोड़ ल पार कर गिस। इंडोर स्टेडियम म सीएम रमन सिंह ल रिकॉर्ड के प्रोविजनल सर्टिफिकेट प्रदान करे गिस