अंतरराज्यीय बस स्टैड ह श्री बालाजी स्वामी ट्रस्ट श्री दूधाधारी मठ के नाम म होही 

जय जोहार रायपुर… राजधानी म निर्माणाधीन अंतरराज्यीय बस स्टैंड ल श्री बालाजी स्वामी ट्रस्ट श्री दूधाधारी मठ के नाम पर कर दे गिस हे। राज्य शासन ह एखर विधिवत आदेश शुक्रवार के जारी कर दे हे। माने जात हे कि अंतरराज्यीय बस स्टैंड के जल्द उदघाटन होही।

उल्लेखनीय है कि अंतरराज्यीय बस स्टैंड बर दूधाधारी मठ से जमीन ले गे हे। अनुबंध के तहत सरकार ह शहर की सीमा म करीब 30 एकड़ जमीन मठ ल दिस हे। अंतरराज्यीय बस स्टैंड बर मठ अउ शासन के बीच विवाद ह खत्म हो गे हे। जेखर विवाद के वजह ले मुख्यमंत्री भूपेश बघेल ह अंतरराज्यीय बस स्टैंड का उद्घाटन करे बर इंकार कर दे रहिस।

मठ ह ए शर्त रखे रहिस कि अंतरराज्यीय बस स्टैंड ह श्री बालाजी स्वामी ट्रस्ट श्री दूधाधारी मठ के नाम पर हो। सरकार ह मठ के ये शर्त ल मान लिस हे। ए संबंध म रायपुर नगर निगम की सामान्य सभा ह सरकार ल अनुशंसा करे रहिस। प्रदेश सरकार के मंत्रीमंडल ह 2 जनवरी 2020 को निगम के सामान्य सभा की अनुशंसा के आधार पर अंतरराज्यीय बस स्टैंड का नाम श्री बालाजी स्वामी ट्रस्ट श्री दूधाधारी मठ करे बर फैसला ले रहिस।