ठगी के एक अऊ मामला , रिटायर्ड सूबेदार के बेटा ले हो गिस आनलाइन ठगी

जय जोहार रायपुर… रिटायर्ड सूबेदार के बेटा ले आनलाइन ठगी हो गिस। एखर शिकायत म खम्हारडीह पुलिस ह अज्ञात के खिलाफ अपराध दर्ज कर लिस हे। पुलिस के मुताबिक शंकरनगर निवासी अतुल कुमार के जोधपुर के एक बैंक म एफडी हे। ओला वोहा रायपुर स्थित पंजाब नेशनल बैंक म ट्रांसफर कराए बर आवेदन करे रहिस। कुछु दिन बाद एक व्यक्ति ह ओला फोन करिस अऊ खुद ल पीएनबी बैंक के अधिकारी बताइस हे।

ओहा ओला मोबाइल म मैसेज के जरिए एक लिंक भेजिस अऊ ओला दूसर मोबाइल नंबर म फारवर्ड करे बर कहिस। ओहा लिंक ल ओखर बताए नंबर म फारवर्ड कर दिस। एखर बाद अतुल के मोबाइल म ओटीपी नंबर आइस हे। अतुल ले आरोपी ह ओटीपी नंबर पूछिस हे। ए नंबर ल बताते ही ओखर पीएनबी के खाते ले आठ बार म एक लाख 70 हजार रूपिया के आहरण हो गिस। बाद म 70 हजार रूपिया ह वापिस आइस हे।