छत्तीसगढ़ ले राज्यसभा म एंट्री कर सकत हे प्रियंका, सियासी गलियारा मन म चर्चा होइस तेज

जय जोहार रायपुर… कांग्रेस महासचिव प्रियंका गांधी ह सड़क म संघर्ष करे बर के बजाय सत्ता के गलियारा मन म अपन आवाज बुलंद करत नजर आ सकत हे। ये दिन मन सियासी गलियारा मन म चर्चा हे कि कांग्रेस नेता प्रियंका गांधी के राज्यसभा म एंट्री जल्द हो सकत हे। ये खबर हे कि प्रियंका ल कांग्रेस ह छत्तीसगढ़ कोटे ले राज्यसभा भेज सकत हे। दरअसल छत्तीसगढ़ म राज्यसभा के दो सीट म सांसद मन के कार्यकाल अप्रैल 2020 म पूरा होवत हे। इहा एक सीट म प्रियंका के दावेदारी ह तय मानत जात हे।

ये मानत जात हे कि छत्तीसगढ़ विधानसभा म कांग्रेस प्रचंड बहूमत के बाद विधायक मन के अच्छी संख्या के आधार म ये दो राज्यसभा सीट मन म आसानी ले कब्जा कर लेही। प्रियंका बर पार्टी ह सेफ सीट खोजत रहिस, जेन छत्तीसगढ़ म मिल चुकिस हे। अब इहा ले कांग्रेस महासचिव प्रियंका गंधी के राज्यसभा म एंट्री हो सकत हे। छत्तीसगढ़ कोटे ले राज्यसभा म पांच सीट  हे। वर्तमान म तीन म बीजेपी अऊ दो म कांग्रेस पार्टी के सदस्य मन के कब्जा हे। अप्रैल म दो सीट  खाली होवत हे। छत्तीसगढ़ ले राज्यसभा सांसद बर प्रियंका गांधी के नाम ल लेकर ये दिन मन म चर्चा ह जोरों म हे।