छत्तीसगढ़ म आरक्षण बढ़ोत्तरी म हाईकोर्ट ह रखिस फैसला सुरक्षित, दोनों पक्ष मन के बीच होइस जोरदार बहस

जय जोहार बिलासपुर…. छत्तीसगढ़ म आरक्षण बढ़ोत्तरी के मामला म हाईकोर्ट ह अपन फैसला ल सुरक्षित रख लिस हे। सरकार के तरफ ले बढ़ाए आरक्षण म हाईकोर्ट ह अपन फैसला ल सुरक्षित रखिस।

चीफ जस्टिस के डिवीजन बेंच ह मामला म सुनवाई करिस। मामला म शासन अऊ याचिकाकर्ता मन के वकील मन के बीच लंबी बहस चलिस। हाईकोर्ट म 2012 म दायर याचिका म चार सप्ताह बाद अगली सुनवाई होही।

बता दन कि साल 2012 म तत्कालीन भाजपा सरकार ह आरक्षण 50 प्रतिशत ले बढ़ाके 58 प्रतिशत करे रहिस। वर्ष 2019 म वर्तमान सरकार ह आरक्षण बढ़ाके 82 प्रतिशत करे रहिस।