किसान मन के नाम म धरना ले भाजपा के होइस किसान विरोधी चरित्र उजागर

जय जोहार रायपुर। भाजपा के धरना म प्रतिक्रिया देवत हुए प्रदेश कांग्रेस के महामंत्री अऊ संचार विभाग के अध्यक्ष शैलेश नितिन त्रिवेदी ह कहिन कि भाजपा के किसान मन ल लेके करे जात राजनीति अऊ किसान विरोधी चरित्र उजागर होइस हे। जेन समय राज्य म भाजपा के रमन सरकार रहिस, तब मोदी सरकार ह कहे रहिस 300 रूपिया बोनस नई दे जाही, तो भाजपा सरकार ह चिट्‌ठी लिखके रह गिस। न किसान मन ल बोनस दिस न मोदी सरकार के खिलाफ धरना दिस।

जेन समय छत्तीसगढ़ सरकार ह कहे रहिस कि 2500 रूपिया दे जाही अऊ मोदी सरकार ह रोक दिस, तब भाजपा ह ये किसान विरोधी फैसला के खिलाफ धरना नई दिस।ए बार  भाजपा ह छत्तीसगढ़ के किसान मन बर चिट्‌ठी भी नई लिखिस। 17 लाख किसान मन ह केंद्र के मोदी सरकार ल पत्र लिखिस, लेकिन भाजपा ह धरना दे बर तो दूर एक चिट्‌ठी लिखे बर जरूरी नई समझिस।

कांग्रेस महामंत्री ह कहिन कि भाजपा ल धरना तब करना रहिस, जेन समय मोदी सरकार ह कहे रहिस कि किसान मन ल 2500 रूपिया मत दो, तब किसान मन बर भाजपा चिट्‌ठी भी नई लिखिस। आज के धरना ले भाजपा के किसान मन ल लेके करे जात राजनीति अऊ किसान विरोधी चेहरा ह बेनकाब हो गे हे।